चोपडा शहरात तरूणासह तरूणीची हत्या झाली असून ऑनर किलींगचा हा प्रकार असल्याची शक्यता वर्तविण्यात येत आहे.
काल रात्री उशीरा राकेश संजय राजपूत (वय २१) आणि वर्षा समाधान कोळी (वय २०) या तरूण तरूणीला संपविण्यात आले. यातील तरूणावर गोळ्या झाडण्यात आल्या असून तरूणीचा गळा आवळून तिचा खून करण्यात आला. रात्री साडेदहाच्या सुमारास हे कृत्य घडल्यानंतर पोलिसांनी घटनास्थळी धाव घेतली.
चोपडा शहरात प्रेमप्रकरणातून तरुणासह तरुणीची हत्या करण्यात आल्याची धक्कादायक घटना आज शनिवारी पहाटेच्या सुमारास समोर आल्याने जळगाव जिल्ह्यात खळबळ उडाली आहे. तरुणाची बंदुकीने गोळी मारून तर तरूणीचा गळा दाबून खून करण्यात आल्याचे पोलिसांच्या चौकशीत समोर आले आहे. तरुणीच्या १७ वर्षीय अल्पवयीन भावानेच दोघांचा जीव घेतल्यानंतर तो स्वतः पिस्तुलासह पोलीस ठाण्यात हजर झाल्याची माहिती पोलिसांकडून देण्यात आली आहे.
चोपडा शहर पोलीस स्थानकात रात्री साडेदहा वाजेच्या सुमारास एक अल्पवयीन मुलगा पिस्टल घेऊन पोलिसात हजर झाला आणि आपण दोघांचा खून केल्याची माहिती त्याने पोलिसांना दिली. त्यानुसार पोलिसांनी चोपडा लगत जुना वराड रोड शिवारात पाहणी केली असता नाल्यात दोघांचे मृतदेह आढळून आले आहे. त्यात मुलाची गोळी मारून तर मुलीचा गळा दाबून खून करण्यात आल्याचे समोर आले. दरम्यान, पोलिसांनी याप्रकरणी दोन संशयितास ताब्यात घेतले आहे. तर आणखी दोघांचा शोध सुरु आहे.
प्रेम संबंधातून खून झाल्याची माहिती समोर आली असून या प्रकरणी मयत तरुणीचा संशयित अल्पवयीन भावानेच दिलेल्या फिर्यादी नुसार चार जणांविरोधात चोपडा शहर पोलिसात गुन्हा दाखल करण्यात आला आहे . पुढील तपास सहाय्यक पोलीस अधीक्षक कृषीकेश रावले हे करीत आहेत.
0 Comments