वेळीच थांबा ! संसर्गामुळे महिलेचे कापावे लागले हात-पाय; तुम्ही देखील लैंगिक संबंध ठेवताना 'ही' चुक करताय?

काही आजार हे सामान्य असतात तर काहीची लक्षणे ही स्पष्टपणे दिसून येतात. परंतु, काही आजार असे देखील आहे ज्याची सुरुवातीला कोणतेही लक्षण दिसत नाही. त्यामुळे हे आजार (Disease) हळूहळू गंभीर स्वरूप धारण करतात आणि त्यामुळे अनेक वेळा माणसाला शरीराचे अवयवही गमवावे लागतात. आज आम्ही तुम्हाला एका महिलेबद्दल सांगणार आहोत जिच्यासोबत असेच काहीसे घडले आहे. चला जाणून घेऊया या महिलेचे काय झाले ते 2017 मध्ये यूकेमध्ये राहणाऱ्या किम स्मिथ नावाच्या महिलेला सेप्सिस झाला होता, ज्यामुळे तिला तिच्या शरीराचे चार भाग गमवावे लागले होते. त्यानंतर डॉक्टरांनी महिलेचे (Women) दुहेरी हात प्रत्यारोपण केले. किमला कदाचित स्वप्नातही वाटले नसेल की किरकोळ संसर्गामुळे तिची अशी अवस्था होईल व हातपाय गमावण्याची वेळ येईल. या संपूर्ण प्रकरणाची सुरुवात स्पेनमधून झाली. काही वर्षांपूर्वी किम स्पेनला सुट्टी घालवण्यासाठी गेली होती. जिथे त्यांना युरिनरी ट्रॅक्ट इन्फेक्शननंतर सेप्सिसच्या समस्येला सामोरे जावे लागले.साऊथ वेस्ट न्यूज सर्व्हिस (SWNS) च्या रिपोर्टनुसार, डॉक्टरांनी किमला 9 महिन्यांसाठी तात्पुरत्या कोमात ठेवले होते. यूटीआयनंतर किमच्या शरीरात सेप्सिस पसरल्याने तिचे पाय आणि हात कापावे लागले. या सर्व समस्यांपूर्वी किम हेअर ड्रेसर म्हणून काम करायची. चारही अवयव निकामी झाल्यानंतर किमला दुहेरी हात प्रत्यारोपणासाठी बराच काळ वाट पाहावी लागली. ही संपूर्ण दुहेरी हात प्रत्यारोपण प्रक्रिया यशस्वीपणे पार पाडणाऱ्या काही रुग्णालयांपैकी लीड्स जनरल इन्फर्मरी हे एक आहे. SWNS शी बोलताना किमने सांगितले की, माझे अवयव विच्छेदन निश्चित आहे. जेव्हा डॉक्टर माझ्याशी याबद्दल बोलले, तेव्हा मी फक्त 'होय, ठीक आहे' असे म्हणाले. तिने असे ही सांगितले की, माझे हे अवयव पूर्णपणे खराब झाले आहेत आणि आता काहीही करता येणार नाही. मला असे वाटते की, दुहेरी हात प्रत्यारोपणानंतर, मी माझी काम करण्यास सक्षम होईल. CDC (सेंटर्स फॉर डिसीज कंट्रोल अँड प्रिव्हेंशन) नुसार, जगभरात दरवर्षी सुमारे 17 लाख लोक सेप्सिसने प्रभावित होतात. शरीरात संसर्ग झाल्यामुळे सेप्सिस सुरू होतो. हळूहळू जेव्हा हा सेप्सिस शरीरात वाढू लागतो तेव्हा त्याचे स्वरुप अधिक गंभीर होऊ लागतात. यामुळे अवयव निकामी होतात, ज्यामुळे एखाद्या व्यक्तीचा मृत्यू होऊ शकतो. फुफ्फुस, मूत्रमार्ग, त्वचा आणि गॅस्ट्रोइंटेस्टाइनल ट्रॅक्टच्या संसर्गामुळे सेप्सिसचा धोका जास्त असतो. या सर्व संक्रमणांवर वेळेवर उपचार न केल्यास, सेप्सिस आपल्या शरीरात वेगाने पसरण्यास सुरुवात होते ज्यामुळे ऊतींचे नुकसान, अवयव निकामी होणे आणि मृत्यू होऊ शकतो. नॅशनल इन्स्टिट्यूट ऑफ मेडिसिनच्या मते, सेप्सिस प्रकरणांपैकी एक तृतीयांश प्रकरणे मूत्रमार्गाच्या संसर्गामुळे होतात. घट्ट कपडे घालणे, बाथरूमच्या वाईट सवयी, सेक्स नंतरच्या सवयी आणि डिहायड्रेशन यामुळे मूत्रमार्गाच्या संसर्गाची समस्या उद्भवते. डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या तज्ज्ञांशी संपर्क साधा.