धक्कादायक! नववीच्या विद्यार्थ्याकडे आढळले पिस्तुल; शाळेसह परिसरात खळबळ

जळगावच्या भुसावळमधून धक्कादायक घटना समोर आली आहे. जळगावच्या भुसावळ शहरानजीक तापी नदीच्या काठावर अकलूद शिवारात असलेल्या एका शाळेमधील इयत्ता नववीच्या विद्यार्थ्याच्या दप्तर तपासणी केली. त्यावेळी विद्यार्थ्यांच्या दप्तरात अल्युमिनियम या धातूचे पिस्तुल आढळून आल्याची घटना घडली आहे. या घटनेने शाळेसह परिसरात खळबळ उडाली आहे

शाळा प्रशासनाने ताबडतोब पोलिसांना ही माहिती दिली असता फैजपूर उपविभागीय पोलीस अधिकारी डाॅ. कुणाल सोनवणे यांनी सहकाऱ्यांसह येऊन हे पिस्तुल जप्त केले. तसेच हा विद्यार्थी हा अल्पवयीन असल्याने त्याच्याकडून माहिती घेतली जात आहे. शाळेचे मुख्याध्यापक फिर्याद दिल्यावरून गुन्हा दाखल करण्यात संदर्भात कारवाई सुरू आहे पुढील तपास पोलीस करीत आहे

नेमकं काय घडलं?

शाळेच्या पहिल्या दिवशी विद्यार्थ्याकडे पिस्तुल आढळल्याने खळबळ उडाली आहे. इयत्ता ९ वीच्या विद्यार्थ्यांकडे पिस्तुल आढळली आहे. ही घटना शुक्रवारी १४ रोजी सकाळी १०.३० वाजण्याच्या सुमारास ही घटना घडली. या संशयित विद्यार्थ्याला ताब्यात घेण्यात आले आहे. पोलिसांनी हे पिस्तुल कुठून आले, या बाबीचा तपास पोलिसांनी सुरू केला आहे.

दप्तरात आढळलं पिस्तुल

भुसावळमधील राहणाऱ्या एका व्यक्तीच्या मुलाच्या दप्तरात पिस्तुल आढळली. हा मुलगा इयत्ता नववीत आहे. शिक्षकांनी तपासणी केल्यानंतर पिस्तुल आढळलं. विद्यार्थ्याकडे पिस्तुल आढळल्यानंतर शिक्षकांमध्ये एकच भीती पसरली.