याबाबत सविस्तर माहिती अशी की, पिंपरी चिंचवड महानगरपालिकेत नोकरीस लाऊन देतो असे सांगून संगमनेर तालुक्यातील चौघांची फसवणूक झाली आहे. या धक्कादायक प्रकाराने संगमनेर तालुक्यात खळबळ उडाली आहे.
तालुक्यातील चार तरुणांना पिंपरी चिंचवड महानगरपालिकेत कायमस्वरुपी लीपिकाची नोकरी मिळवून देतो असे आमिष दाखण्यात आले. तसेच त्यांच्याकडून प्रत्येकी पाच- पाच लाख रुपये घेण्यात आले. याबाबत आपली फसवणूक झाल्याचे लक्षात येताच तरुणांनी पोलिसांत धाव घेतली.
याप्रकरणी सतीश कुमार भालेराव, शिवदर्शन चव्हाण आणि विश्वजीत चव्हाण या तिघांविरोधात संगमनेर शहर पोलीस ठाण्यात गुन्हा दाखल करण्यात आला आहे. धक्कादायक बाब म्हणजे या फसवणूक प्रकरणात पिंपरी चिंचवड येथील काही प्रतिष्ठित लोकांचाही समावेश असल्याचे बोलले जात आहे. संगमनेर पोलीस याबाबतचा अधिक तपास करत आहेत.
0 Comments