विशेष म्हणजे बँकेतल्या एकाच लॉकरमध्ये तब्बल ६७ तोळे सोने व २६ लाख ४ हजार ५०० रुपये रोख आढळून आले. संजय राजाराम पाटील (५२, रा. उल्कानगरी) असे या अधिकाऱ्याचे नाव आहे. मिळालेल्या माहितीनुसार, मुकुंदनगरमध्ये ४ वर्षांपूर्वी सुरू केलेल्या सामाजिक सभागृहाचे काम रखडले होते. वाय. पी. डेव्हलपर्स यांच्याकडून ते तक्रारदार कंत्राटदाराला दिले गेले. परंतु, काही निधीअभावी अपूर्ण राहिले.अभियंता पाटील याच्याकडे तक्रारदाराने निधीची मागणी केल्यानंतर त्याने बांधकामात बदल सांगितले. परंतु, आता जुने कामाचे बिल नव्या दराने हवे असेल तर पैशाची मागणी केली. यासाठी एकूण सव्वा लाख रुपयांची मागणी करण्यात आली होती. त्यापैकी पहिला हप्ता म्हणून ४० हजार घेतले त्याच वेळी एसीबीने पाटीलला पकडलेयानंतर एसबीने चौकशी सुरु केली असता पाटीलच्या घरात १ लाख ६१ हजार रुपये रोख आणि १८ तोळे ३ ग्रॅम सोने सापडले. तसेच एसबीआय बँकेतील लॉकर पथकाने बुधवारी उघडले असता त्यात मोठे घबाड समोर आले. पाचशे आणि दोन हजाराच्या बंडल भरलेलं लॉकर पाहून अधिकाऱ्यांचे धक्काच बसला. त्या एकाच लॉकरमध्ये ८५ तोळे सोन्याचे दागिने आणि २६ लाख ४ हजार ५०० रुपयांची रोकड सापडली आहे.
0 Comments