भयंकर! विधवा महिलेची प्रियकराने केली दगडाने ठेचून हत्या, समोर आलं धक्कादायक कारण

जालना : येथे एक धक्कादायक घटना उघडकीस आली आहे. घनसावंगी तालुक्यात बोधलापुरी येथे एका महिलेचा मृतदेह आढळल्याने खळबळ उडाली आहे. पीडित विधवा महिलेची हत्या तिच्या प्रियकारने  केली असल्याची माहिती उघड झाली आहे. या घटनेची माहिती मिळताच पोलिसांनी घटनास्थळी धाव घेत तपास सुरु केला. याप्रकरणी पोलिसांनी गु्न्हा दाखल करत (् आरोपीला अटक केली आहे. महादेव कडुकर असं अटक केलेल्या आरोपीचं नाव आहे. पीडित महिलेनं एक लाख रुपयांची मागणी करत पैसे देण्यासाठी प्रियकराकडे तगादा लावला होता. याचाच राग मनात ठेवून आरोपी कडुकरने पीडित महिलेची हत्या केली, अशी माहिती समोर आली आहे.

मिळालेल्या माहितीनुसार, बोधळापुरी शिवारात एका महिलेचा मृतदेह आढळल्याने पोलिसांनी घटनास्थळी धाव घेतली. या प्रकरणी पोलीस निरीक्षक प्रशांत महाजन यांनी तपासाची सूत्रे हाती घेतली. त्यानंतर पोलीस सूत्रांच्या मदतीने आरोपी महादेव कडुकर याचा शोध घेवून त्याला अटक केली. आरोपीला पोलीसी खाक्या दाखवल्यानंतर त्याने महिलेची हत्या केली असल्याचं कबुल केलं.

महिलेचा दगडाने ठेचून खून करून तिचा मृतदेह पुलाखाली फेकला, अशीही माहिती आरोपी कडुकरने पोलिसांना दिली. पीडित महिलेशी गेल्या अनेक दिवसांपासून प्रेमसबंध होते. सदर महिलेने एक लाख रुपयांची मागणी करत तगादा लावला होता. त्यामुळे रागाच्या भरात महिलेची हत्या केली, असंही जबाब आरोपी कडुकरने पोलिसांना दिला