यात तक्रारदार हे भडगाव तालुक्यातील येथील रहिवाशी आहेत. त्यांच्याकडे वडीलोपार्जीत जमीन आहे. या जमीनीच्या सातबारा उताऱ्यावर वारसांची नावे लावण्यासाठी तलाठी कार्यालयात अर्ज केला होता. वारसांची नावे लावण्यासाठी संशयित आरोपी तलाठी सलीम अकबर तडवी (वय-४४) रा.भडगाव, ता.भडगाव जि.जळगाव याने सुरूवातीला १ हजार रूपयांची लाच घेतली होती.
त्यानंतर पुन्हा तक्रारदार यांच्याकडे १ हजार ५०० रूपयांची मागणी महिला कोतवाल कविता नंदु सोनवणे (वय-२७) रा.तांदुळवाडी, ता.भडगाव जि.जळगाव यांनी सोबत केली. त्यानंतर तक्रारदार यांनी जळगाव लाचलुचपत विभागाकडे तक्रार केली. तक्रारीची पडताळणीसाठी विभागाचे शुक्रवारी १४ एप्रिल रोजी दुपारी सापळा रचला.
भारतरत्न डॉ.बाबासाहेब आंबेडकर जयंतीनिमित्त शासकीय सुटी असलीतरी सुट्टीच्या दिवशी शासकीय कामे करण्यासाठी तलाठी आणि कोतवाल हे तलाठी कार्यालयात होते. त्यावेळी तक्रारदार यांच्याकडून १ हजार ५०० हजार रूपयांची लाच घेतांना लाचलुचपत विभागाने रंगेहात पकडले. या कारवाईमुळे महसुलच्या गोटात खळबळ उडाली आहे. याप्रकरणी दोन्ही संशयित आरोपीतांना ताब्यात घेण्यात आले असून पुढील कार्यवाही सुरू असल्याचे पथकातील पोलिसांनी सांगितले.
हा सापळा जळगाव लाचलुचपत विभागाचे वरिष्ठ अधिकारी शर्मिष्ठा घारगे- वालावलकर नासिक परिक्षेत्र , श्री एन.एस. न्याहळदे नासिक , श्री नरेंद्र पवार नासिक, जळगाव पोलीस उपअधीक्षक शशीकांत पाटील यांच्या नेतृत्वात ईश्वर धनगर, राकेश दुसाने, सहाय्यक फौ. दिनेशसिंग पाटील, स.फौ. सुरेश पाटील, पो.हे.कॉ अशोक अहिरे, पो.हे.कॉ सुनिल पाटील, पो.हे.कॉ रविंद्र घुगे, महिला पो.हे.कॉ शैला धनगर, पो.ना. जनार्दन चौधरी, पो.ना. किशोर महाजन, पोना सुनिल वानखेडे, पो.ना. बाळु मराठे, पो.कॉ. प्रदिप पोळ , पो.कॉ. सचिन चाटे, पो.कॉ. अमोल सुर्यवंशी, पो.कॉ. प्रणेश ठाकुर यांनी यशस्वी केला.
0 Comments