सकाळी मुलगा घरी आला आणि त्याच्या पायाखालची जमीनच सरकली

प्रेमची मावशी नवनीतनगरात राहत असल्याने त्याचे आई-बाबाकडे जाणे-येणे होते. शुक्रवारी सकाळी प्रेम आईला भेटायला आला. तेव्हा त्याची आई रक्ताच्या थारोड्यात पडली होती.

मनोज सरोदे हा मुळचा आर्वी येथील रहिवासी. गेल्या सहा महिन्यांपासून तो वाडीतील नवनीतनगरात किरायाने राहतो. मनोज एमआयडीसीतील केबल कंपनीत काम करतो. त्याने सोबत पत्नीलाही वाडीत आणले पत्नी माधुरी ही कंपनीत कामगार म्हणून काम करत होती. त्या दोघांचं फारस पटत नव्हतं. दारुडा नवरा पदरी पडल्याने ती समाधानी नव्हती. मनोजच्या दारुच्या व्यसनाबद्दल त्यांच्या नातेवाईकांना माहीत होते.

दोन्ही मुले नातेवाईकांकडे राहायची

भांडणाची तक्रार नातेवाईकांकडे केल्यास ते त्या दोघांना आर्वीला परत या, असं सांगायचे. पण, ते दोघेही कसेतरी अडजस्ट करून घेत होते. माधुरी आणि मनोजला दोन अपत्य आहेत. मोनिका ही १८ वर्षांची तर प्रेम हा १२ वर्षांचा आहे. मोनीका आर्वी येथे नातेवाईकांकडे राहत होती. तर प्रेम त्याच्या मावशीकडे मुक्कामी राहायचा.

मुलाने बघीतला आईचा मृतदेह

प्रेमची मावशी नवनीतनगरात राहत असल्याने त्याचे आई-बाबाकडे जाणे-येणे होते. शुक्रवारी सकाळी प्रेम आईला भेटायला आला. तेव्हा त्याची आई रक्ताच्या थारोड्यात पडली होती. त्याचे वडील कुठंही दिसले नाही. त्याच्या आईच्या डोके, पोट आणि तोंडावर चाकूने वार केल्याच्या खुणा होत्या.

मनोजला आर्वी येथून अटक

आईला पाहताच प्रेमने टाहो फोडला. शेजारी जमा झाले. त्यांनी पोलिसांना माहिती दिली. पोलीस उपायुक्त अनुराग जैन, पोलीस निरीक्षक प्रवीण तिजारे, पोलीस निरीक्षक प्रदीप रायणावर यांनी घटनास्थळ गाठले. माधुरीचा मृतदेह उत्तरीय तपासणीसाठी पाठवला.

वाडी पोलिसांना मनोजचा शोध घेतला. मनोजला आर्वी येथून ताब्यात घेतले. त्यानंतर त्याने रात्रीचा थरार सांगितला. त्या दोघांमध्ये रात्री भांडण झाले. त्यानंतर मनोजने माधुरीवर वार करून तिचा खून केला. त्यानंतर त्याने तिथून पळ काढला. पण, शेवटी पोलिसांच्या ताब्यात आला.

आधीच नातेवाईकांकडे राहत असलेली मुलं आता पूर्णपणे नातेवाईकांवर अवलंबून राहणार आहेत. कारण आई गेली. वडीलांना पोलिसांना अटक केली. दारुने पुन्हा एक संसार उद्ध्वस्त झाले आहे