पुण्यातील प्रसिद्ध हॉटेलची मालकीण..पण कामातूर आईला कसलीच लाजलज्जा उरली नाही.. पाच वर्षाच्या मुलीसमोर बॉडीगार्डसोबत शरीरसंबंध!

पुण्यातील डोसा इडली साठी प्रसिद्ध असलेल्या एका हॉटेलची मालकीण जिने बॉडीगार्ड ठेवलेला आहे, ती पाच वर्षाच्या आपल्या मुलीच्या समोर बॉडीगार्ड सोबत रासलीला करत होती. एवढेच नव्हे तर मुलीला अश्लील व्हिडिओ दाखवून तिच्यावर शारीरिक अत्याचार करण्याचा धक्कादायक देखील प्रकार गुडटच – बॅडटच मधून उघडकीस आला आहे. विद्येच्या माहेरघरात घडलेल्या घृणास्पद घटनेबाबत संताप व्यक्त केला जात आहे. गुन्हा दाखल होताच महिला व तिचा बॉडीगार्ड फरार झाले आहेत.

पाच वर्षीय मुलीबरोबर हा धक्कादायक प्रकार घडला आहे. हा प्रकार ( दि. २३ ) रोजी उजेडात आला. शिवाजीनगर व गोवा येथे हा प्रकार घडला असून पुण्यातील मोदीबाग नजिकची ३४ वर्षीय हॉटेल व्यावसायिक महिला व हेवन पार्क, लेन नं. ८ मोहम्मदवाडी पुणे येथील तिचा बॉडीगार्ड यांच्यात अनेक महिन्यापासून अनैतिक सबंध होते. पती घरात नसताना महिला ही मद्यप्राशन करून तिचा बॉडीगार्ड प्रियकरासोबत पिडीत मुलीसमोरच अश्लील चाळे व शारीरिक सबंध करायचे. तसेच दोन्ही आरोपीनी मुलीला मोबाईलमध्ये घाणेरडे व्हिडीओस दाखवून मुलीबरोबर जबरदस्तीने शारीरिक छेडछाड कृत्य केले.

दरम्यान, वारंवार घडलेल्या प्रकाराबाबत कोणाला काही सांगितल्यास सोशल मिडीयावर व्हिडीओ टाकण्याची धमकी पिडीत मुलीला तिची आई व तिचा बॉडीगार्ड देत असल्याचे देखील फिर्यादीत म्हटले आहे. सदर मुलगी ही तिच्या वडिलाबरोबर नात्यातील असलेल्या एका शिक्षिकाच्या घरी गेली होती.

यावेळी शाळेमध्ये गुडटच – बॅडटच आणि लहान मुलांना घरात होणा-या त्रासाबद्दल एका महिलेबरोबर शिक्षिका बोलत होत्या. त्यांचे बोलणे ऐकलेल्या मुलगी रडू लागली. यावेळी तिला शिक्षिका महिलेने विश्वासात घेऊन विचारपूस केली असता हा धक्कादायक प्रकार सांगितला. पिडीत मुलीच्या जबाबनंतर वाकड पोलीस ठाण्यात पोस्को कायद्यानुसार गुन्हा करण्यात आला असून पुढील तपास शिवाजीनगर पोलीस करीत आहे.

आरोपी मोकाट

गंभीर स्वरूपाचा गुन्हा दाखल असतानादेखील तीन दिवस उलटून देखील पुणे शहर पोलीसांनी हाताची घडी बांधलेल्याचे बोलले जात असून आरोपी महिलेचा संबंधित हॉटेलमध्ये वावर असल्याचे समजते. आरोपींना तत्काळ अटक करण्याची मागणी सामाजिक संघटनामधून होत आहे.