धुळे येथे सर्पदंशाच्या घटना रोखण्यासाठी शेतकऱ्यांना गण बुट

धुळे : पहिला पाऊस पडल्यानंतर शेतकऱ्यांची शेतीच्या कामाची लगबग सुरू झाली आहे. त्यातच सरपटणाऱ्या विषारी व प्राण्यांचा देखील वावर मोठ्या प्रमाणात वाढल्यानंतर या दिवसांमध्ये सर्पदंशाच्या घटना देखील मोठ्या  प्रमाणात वाढतात. त्यामुळे शेतीची काम करत असताना शेतकऱ्यांना सर्पदंशाच्या घटनांपासून बचाव करण्यासाठी व पायांचे संरक्षण व्हावे या हेतूने साक्री तालुक्यातील विटाई या ग्रामीण भागामध्ये शेतकरी व शेतमजुरांना गण बुटांचे वाटप करण्यात आले आहे

युवती सेनेच्यावतीने आज पर्यावरणमंत्री आदित्य ठाकरे  यांच्या वाढदिवसाचे औचित्य साधत हा उपक्रम राबविण्यात आला आहे. देशाचा पोशिंदा समजल्या जाणाऱ्या शेतकऱ्याला शेतीची काम ऊरकताना आपल्या पायांचे संरक्षण या बुटांच्या माध्यमातून आता करता येणार आहे. त्यामुळे परिसरातील शेतकऱ्यांतर्फे समाधान व्यक्त करण्यात आले आहे. यावेळी युवती सेनेच्या वतीने पदाधिकारी प्रियंका जोशी यांच्यासह इतर युती सेनेच्या कार्यकर्त्या उपस्थित असल्याचे बघायला मिळाले आहे.