राज्यातील शिंदे गटाचा पहिला सरपंच जळगावात, पण 'ठाकरें'ची कॉलर टाईट

जळगाव :मुख्यमंत्री एकनाथ शिंदे यांच्या नेतृत्वात सत्ता स्थापना झाल्यानंतर राज्यात शिंदे गटाचा पहिला सरपंच झाला आहे. जळगाव जिल्ह्यातील कुसुंबा येथील ग्रामपंचायतीवर एकनाथ शिंदे गटाचा झेंडा फडकला आहे. शिंदे गटाच्या पहिल्या सरपंच होण्याचा मान यमुनाबाई ठाकरे यांना मिळाला आहे. त्यामुळे 'ठाकरें'ची कॉलर टाईट झाली, असं म्हटल्यास वावगं ठरणार नाही

जळगाव तालुक्यातील कुसुंबा ग्रामपंचायतीच्या रिक्त असलेल्या सरपंच पदासाठी निवडणूक पार पडली. या निवडणुकीत शिवसेनेतून एकनाथ शिंदे गटात सहभागी झालेल्या यमुनाबाई ठाकरे या उमेदवार होत्या. तर त्यांच्या विरोधात राष्ट्रवादी काँग्रेसच्या इंदुबाई दगडू पाटील या उमेदवार म्हणून निघणार होत्या.

अवघ्या एका मताने विजय

या एकूण 17 पैकी 8 मते राष्ट्रवादीच्या इंदुबाई पाटील यांना तर शिंदे गटाच्या यमुनाबाई ठाकरे यांना 9 मते मिळाली. एका मताने शिंदे गटाच्या यमुनाबाई ठाकरे या विजय झाल्या.

राज्यात शिंदे गटाच्या पहिल्या सरपंच

जळगाव जिल्ह्यातच नव्हे तर संपूर्ण राज्यात शिंदे गटाच्या पहिल्या सरपंच होण्याचा मान यमुनाबाई ठाकरे यांना मिळाला आहे. याचा मोठा आनंद असून
गुलाबराव पाटील यांच्या नेतृत्वात आगामी काळात कुसुंबा गावाच्या विकासासाठी प्रयत्नशील राहणार असल्याचे नवनियुक्त सरपंच यमुनाबाई ठाकरे यांनी सांगितले.