भोसरी प्रकरणात प्रचंड अनियमितता आहे, त्यामुळं खडसेंची जेलवारी अटळ आहे. भोसरी प्रकरणात खडसेंचे जावई गिरीश चौधरी हे जेलमध्ये आहेत, त्यांना जामीन मिळत नाही. बोगस कंपन्या स्थापन करून यांनी पैसा वळवला आहे, असा आरोप गिरीश महाजन यांनी केला.
भोसरी गैरव्यवहार प्रकरणात न्यायालयाने कोणतीही ॲक्शन घेऊ नये, असे सूचित केले आहे, ते हटल्यानंतर लगेचच खडसेंना जावयासोबत जेलमध्ये जावे लागेल, असे सुतोवाचेही गिरीश महाजन यांनी केले.
दरम्यान, एकनाथ शिंदे सरकारने एकनाथ खडसेंना मोठा झटका दिला आहे. भोसरी एमआयडी भुखंड घोट्याळाचा तपास पुन्हा लाचलुचपत विभागामार्फत होणार आहे. महाविकास आघाडी सरकार असताना खडसे यांना भुंखड घोटाळ्याप्रकरणी क्लिनचिट मिळाली होती. पण आता लाचलुचपत विभागाने घोट्याळाची पुन्हा चौकशीच्या करण्यासाठी न्यायालयाकडे परवानगी मागितली आहे. त्यामुळे खडसेंना मोठा धक्का मानला जात आहे.
मध्यंतरी या प्रकरणात एकनाथ खडसे यांची ईडीने चौकशी केली होती.एवढंच नाहीतर खडसेंचे जावाई गिरीश चौधरी यांना अटकही करण्यात आली होती. या प्रकरणाची आता पुन्हा लाचलुचपत विभागामार्फत चौकशी होणार आहे.
काय आहे भोसरी जमीन खरेदीप्रकरण ?
भोसरी एमआयडीसीमधील सर्व्हे नंबर 52 मधील तीन एकर जागेचा हा वाद आहे. ही जमीन खडसेंच्या पत्नी मंदाकिनी खडसे आणि जावई गिरीष चौधरी यांनी अब्बास उकानी या व्यक्तीकडून खरेदी केली. तीन कोटी 75 लाख रुपयांना जमिनीची खरेदी केली. पुण्यातील उपनिबंधक कार्यालयात या व्यवहाराची नोंद आहे. स्टँप ड्युटी म्हणून एक कोटी 37 लाख रुपये भरण्यात आले पण ही जमीन एमआयडीसीच्या मालकीची असल्याचं उघड झालं. रेडी रेकनर दरापेक्षा खूपच कमी बाजारमूल्य दाखवून जमिनीची खरेदी झाल्याचा आरोप आहे.
0 Comments