जळगावच्या त्या खूनाला अनैतिक संबंधाची किनार?

जळगाव : जळगाव शहरातील जुने बस स्थानक परिसरात झालेल्या तरुणाच्या खूनाला अनैतिक संबंधाची किनार असल्याचे म्हटले जात आहे. अटकेतील संशयीत आरोपी हत्येच्या मुळ कारणाविषयी उघड उघड बोलत नसले तरी देखील यामागील मुळ कारण अनैतिक संबंध असल्याचे म्हटले जात आहे. जुन्या वादातून हत्या झाल्याचे वरवर म्हटले जात असले तरी खोलात जावून पाहीले असता वेगळेच कारण असल्याची चर्चा या खूनाच्या निमीत्ताने होत असल्याचे दिसून येत आहे.

20 डिसेंबर 2022 रोजी आकाश उर्फ धडकन सुरेश सपकाळे या तरुणाची चाकूचे वार करुन हत्या झाली. सागर उर्फ बिडी सुरेश सपकाळे आणि सागर उर्फ झंप-या आनंदा सपकाळे अशी जखमींची नावे आहेत. सागर सुरेश सपकाळे या तरुणाने दिलेल्या फिर्यादीनुसार गोपाल उर्फ अण्णा कैलास सैंदाणे, भु-या उर्फ भद्रा सोनवणे आणि विजू अशा तिघांविरुद्ध जळगाव शहर  पोलिस स्टेशनला गुन्हा दाखल करण्यात आला आहे. गु.र.न. 380/22  भा.द.वि. 302, 307 आणि 34 प्रमाणे हा गुन्हा दाखल आहे.  

या हत्येच्या घटनेतील दोन्ही पक्षाकडील दोघे तरुण गुन्हेगारी पार्श्वभुमीचे असल्याचे दिसून आले आहे. मयत आकाश आणि अटकेतील गोपाल सैंदाणे या तरुणांविरुद्ध विविध पोलिस स्टेशनला विविध गुन्हे दाखल आहेत. मयत आकाश उर्फ धडकन याच्या विरुद्ध शनीपेठ, यावल, धरणगाव, एरंडोल अशा चार पोलिस स्टेशनला विविध गुन्हे दाखल असून तो पोलिसांच्या अभिलेख्यावरील गुन्हेगार होता. अटकेतील गोपाल उर्फ अण्णा कैलास सैंदाणे याच्याविरुद्ध शनीपेठ पोलिस स्टेशनला आतापर्यंत पाच व जळगाव शहरला नव्याने दाखल झालेला खूनाचा एक असे एकुण सहा गुन्हे दाखल आहेत.

एकाच गल्लीत राहणा-या तरुणांमधे अनैतिक संबंधाच्या वादातून पुर्वी वाद झाले होते असे म्हटले जात आहे. या कारणातून एकाने दुस-याला मारहाण केली होती. प्रेमसंबंधासह अनैतिक संबंधाची किनार या घटनेला असल्याची कुठे दबक्या तर कुठे खुलेआमपणे चर्चा सुरु आहे. याशिवाय संबंधीत महिलेला एकाने पळवून नेले होते व त्यातून हाणामारी देखील झाली होती असे  म्हटले जात आहे. मात्र या विषयाला अधिकृत दुजोरा दिला जात नाही.